ავღანეთში მიწისძვრებმა უკვე 1 400 ადამიანი იმსხვერპლა. ამის შესახებ ინფორმაციას Reuters ავრცელებს.

მეორე, 5.5-ბალიანი მიწისძვრა 2 სექტემბერს მოხდა. ამ შემთხვევამ პანიკა გამოიწვია და საგანგებო სამაშველო სამუშაოები შეაფერხა — მთებიდან ქვების ცვენამ გზები გადაკეტა და სოფლებთან მისასვლელი გზა ჩახერგა.

თალიბანის ადმინისტრაციის ცნობით, დაღუპულთა რიცხვი 1 411-ს შეადგენს, 3 124 დაშავებულია და 5 400-ზე მეტი სახლი განადგურებულია. გაერო კი აფრთხილებს, რომ ეს მაჩვენებელი შესაძლოა გაიზარდოს, რადგან ნანგრევებში ჯერ კიდევ შესაძლოა იყვნენ გამოკეტილი ადამიანები.

სპეციალისტები ვარაუდობენ, რომ მსხვერპლი შეიძლება კიდევ გაიზარდოს.