16 აგვისტოს, რუსთაველის გამზირზე მიმდინარე საპროტესტო აქციაზე დაკავებული ზურა მენთეშაშვილი 4000 ლარით დააჯარიმეს. გადაწყვეტილება მოსამართლე ნინო ენუქიძემ მიიღო.

შსს მას ადმინისტრაციულ სამართალდარღვევათა კოდექსის 173-ე მუხლის დარღვევას ედავებოდა, რაც პოლიციელზე დაუმორჩილებლობას გულისხმობს.

ბათუმელების ცნობით, ჯერ არ დასრულებულა ამავე დღეს დაკავებული ვეფხია ბეროზაშვილის საქმე. ის სხდომის მიმდინარეობისას შეუძლოდ გახდა და ჯერ შესვენების, შემდეგ კი სასწრაფო დახმარების ბრიგადის გამოძახება ითხოვა. ამ წუთებში სხდომათა დარბაზში ექიმები არიან შესულები.