17 აგვისტოს რუსთაველის გამზირზე აქციის 2 მონაწილე დააკავეს.

გავრცელებული ინფორმაციით, ერთ-ერთი აქტივისტი ლადო ბეროზაშვილი, მეორე — ზურა მენთეშაშვილი.

აქტივისტი ლადო ჯახუა წერს, რომ ისინი დიღმის იზოლატორში არიან გადაყვანილები.

შსს-ში აცხადებენ, რომ ორივე ადმინისტრაციულ სამართალდარღვევათა კოდექსის 166-ე (წვრილმანი ხულიგნობა) და 173-ე (პოლიციელის მოთხოვნისადმი დაუმორჩილებლობა) მუხლებითაა დაკავებული.

2 აქტივისტის დაკავების ვიდეოკადრები, გვიან ღამით, სოციალურ ქსელში გავრცელდა.