ანასტასია ზინოვკინას და არტემ გრიბულის საქმეზე თბილისის საქალაქო სასამართლოში დღეს გამართულ პროცესზე ბრალდებულებმა ადვოკატების აცილების შუამდგომლობა დააყენეს — მათ ინტერესებს გელა ქენქაძე და მამუკა ქირია იცავდნენ.

აღსანიშნავია, რომ წინა სხდომებზე ანასტასია ზინოვკინა ამბობდა, რომ ქენქაძე მას დანაშაულის აღიარებისკენ მოუწოდებდა, რასაც გამოცემა "პუბლიკას" ცნობით, ორივე ადვოკატი უარყოფს.

გელა ქენქაძემ და მამუკა ქირიამ პროცესი უკვე დატოვეს.

ანასტასია ზინოვკინა და არტემ გრიბული თბილისში პროევროპულ აქციებში მონაწილეობისას სისხლის სამართლის წესით დააკავეს. მათ პროკურატურა 16 გრამი ნარკოტიკული საშუალება ალფა-პვპ-ის გასაღების მიზნით ფლობას ედავება. ბრალდებულები ბრალს არ აღიარებენ და ამბობენ და მიაჩნიათ, რომ ისინი თბილისში საპროტესტო აქციებში მონაწილეობის გამო ისჯებიან. ისინი ირწმუნებიან, რომ მათ პოლიციამ ნარკოტიკი "ჩაუდო".

დღესვე, 19 აგვისტოს, გავრცელდა ინფორმაცია, რომ ზინოვკინა-გრიბულის საქმის ერთ-ერთი ფიგურანტი მოწმე პოლიციელი ირაკლი მუხათგვერდელი, რომელსაც ანასტასია ზინოვკინა გაუპატიურების მუქარაში ადანაშაულებდა, ცეცხლსასროლი იარაღიდან სროლისთვის დააკავეს და სასამართლომ გირაოთი გაათავისუფლა.

"მემუქრებოდა გაუპატიურებით, ხელს იკიდებდა შარვლის ელვა შესაკრავზე," — თქვა ანასტასია ზინოვკინა 14 აგვისტოს გამართულ პროცესზე, რომელზე მოწმის სახით დაიკითხა.

ასევე იხილეთ: