ადვოკატ შოთა თუთბერიძის ცნობით, ანასტასია ზინოვკინას დედა საზღვარზე არ შემოუშვეს, — ამის შესახებ ის "პუბლიკასთან" საუბრისას აცხადებს.

"ანასტასია ზინოვკინას დედა დღეს ჩამოვიდა საქართველოში, შვილთან პაემანი აქვს ჩანიშნული და საზღვარზე არ შემოუშვეს. რა მიზეზია ოფიციალური, დოკუმენტები უნდა ვნახო, მაგრამ სიტყვიერად ეუბნებიან, რომ 3 მარტს მე მგონი იყო დედების აქცია და იქ მონაწილეობის გამო ხარ დაჯარიმებული და მაგიტომ არ გიშვებთ, გადასახდელი გაქვთო", — თქვა თუთბერიძემ.

ადვოკატი ადასტურებს, რომ სვეტლანა ზინოვკინა საქართველოში ერთხელ იყო ჩამოსული და სავარაუდოდ დედების აქციაზეც იმყოფებოდა.

ცნობისთვის, თბილისში პროევროპულ აქციებზე მონაწილეობისას სისხლის სამართლის წესით რუსეთის ორი მოქალაქე — ანასტასიია ზინოვკინა და არტემ გრიბული დააკავეს.

მათ პროკურატურა 16 გრამი ნარკოტიკული საშუალება ალფა-პვპ-ის გასაღების მიზნით ფლობას ედავება. ბრალდებულები ბრალს არ აღიარებენ და ამბობენ და მიაჩნიათ, რომ ისინი თბილისში საპროტესტო აქციებში მონაწილეობის გამო ისჯებიან. ისინი ირწმუნებიან, რომ მათ პოლიციამ ნარკოტიკი "ჩაუდო".

საია: სისხლის სამართლის წესით დაკავებულ სინდისის 10 პატიმარზე დაკავების დროს არასათანადო მოპყრობის ფაქტები დაფიქსირდა