"ჩვენს გამოვაქვეყნეთ საჯარო წერილიც და გავუგზავნეთ დახურული წერილიც. დახურული წერილი იმიტომ იყო დახურული, რომ უნდა ყოფილიყო დახურული", — ამის შესახებ "ოცნების" პრემიერმა, ირაკლი კობახიძემ ბახმაროში ჟურნალისტებთან საუბრისას განაცხადა.

მისი თქმით, "საერთო სულისკვეთება არის ის, რომ ოცნებას აშშ-თან სუფთა ფურცლიდან სურს სტრატეგიული პარტნიორობის განახლება.

"ჩვენს გამოვაქვეყნეთ საჯარო წერილიც და გავუგზავნეთ დახურული წერილიც. დახურული წერილი იმიტომ იყო დახურული, რომ უნდა ყოფილიყო დახურული. იქ სხვა თემებზე იყო საუბარი, რასთან დაკავშირებითაც ჩვენ საჯაროდ არ გვინდოდა საუბარი.

საერთო სულისკვეთება არის ის, რომ ჩვენ გვინდა აშშ-თან სუფთა ფურცლიდან სტრატეგიული პარტნიორობის განახლება და გვინდა განვაახლოთ სტრატეგიული პარტნიორობა კონკრეტული გზამკვლევით", — განაცხადა "ოცნების" პრემიერმა, ირაკლი კობახიძემ ბახმაროში ჟურნალისტებთან საუბრისას.

მისი თქმით, ამ სტრატეგიულ პარტნიორობაში ასახული უნდა იყოს სარგებელი ორივე ქვეყნისთვის, როგორც აშშ-სთვის, ისე საქართველოსთვის.

"ჩვენ იმედი გვაქვს, რომ იქნება ჯანსაღი დამოკიდებულება, განახლდება სტრატეგიული პარტნიორობა ჯანსაღი ფორმით, ეს არის ჩვენი სურვილი, ველოდებით ამერიკულ მხარეს", — განაცხადა ოცნების პრემიერმა.

შეგახსენებთ, რომ საქართველოში აშშ-ს ელჩმა, რობინ დანიგანმა "რადიო თავისუფლებასთან" ინტერვიუში განაცხადა, რომ "ქართული ოცნების" მიერ დონალდ ტრამპისადმი მიწერილი არასაჯარო წერილი იყო "მუქარის შემცველი, შეურაცხმყოფელი, არასერიოზული და უკიდურესად ცუდად იყო მიღებული ვაშინგტონში".