სასამართლომ თვალჭრელიძის ქუჩიდან გამოსახლებული ლადო ჩახაია და რევაზ ნადირაშვილი 2000-2000 ლარით დააჯარიმა. ისინი პოლიციამ 24 ივლისს წინააღმდეგობის გაწევის ბრალდებით დააკავა.

ეს გადაწყვეტილება მოსამართლე ზვაიდ ცეკვავამ გამოაცხადა.

ცნობისთვის, 24 ივლისს, თბილისში, თვალჭრელიძის ქუჩაზე მდებარე შენობიდან რამდენიმე ათეული ოჯახი გამოასახლეს და იმავე დღეს შენობის დემონტაჟი დაიწყეს. პროცესს პოლიციასთან დაპირისპირება და ხმაური მოჰყვა, რა დროსაც, სამართალდამცავებმა ადმინისტრაციული წესით 17 პირი დააკავეს.