თბილისში, თვალჭრელიძის ქუჩაზე, სადაც აღსრულების ბიურო ოჯახებს ასახლებს, სავარაუდოდ 3 პირი დააკავეს. ინფორმაციას ამის შესახებ IPN ავრცელებს.

პროტესტი ავეჯის გადასატანი მანქანის გამოჩენას მოჰყვა. მაცხოვრებლები მანქანას კორპუსში შესვლის შესაძლებლობას არ აძლევდნენ. პოლიციამ მათ ტერიტორიის გათავისუფლებისკენ მოუწოდა, რასაც მოსახლეობა არ დაემორჩილა შედეგად კი 3 პირი საპატრულო პოლიციის მანქანაში ჩასვეს და ტერიტორიიდან გაიყვანეს. IPN-ის ინფორმაციით, ამ დროისთვის დაუზუსტებელია, ისინი დააკავეს, თუ პერიმეტრს განარიდეს.

ხმაური და დაპირისპირებაა კორპუსის მაცხოვრებლებსა და სამართალდამცველებს შორის კვლავ გრძელდება.

ცნობისთვის, თვალჭრელიძის ქუჩაზე აღსრულების ბიურომ ათობით ოჯახის გამოსახლება დღეს დილით დაიწყო.

აღსრულების პოლიციამ ცოტა ხნის წინ განმარტება გააკეთა და აღნიშნა, რომ შენობა ავარიულია, რაც მოგვიანებით სამხარაულის ექსპერტიზამაც დაადასტურა.

არსებული ინფორმაციით, აქამდე აღსრულების ბიურომ ოჯახების გასახლება ორჯერ სცადა, თუმცა ახლა ამ პროცესმა იძულების ხასიათი მიიღო.

თვალჭრელიძის ქუჩაზე აღსრულების ბიურომ დევნილების გამოსახლება დაიწყო