რუსეთის სასამართლოში ბრალდების მხარემ ქართული წარმოშობის რუსი მწერლის, ბორის აკუნინისთვის (გრიგორი ჩხარტიშვილი) 18 წლით თავისუფლების აღკვეთა მოითხოვა. პროკურორი ასევე ითხოვს, რომ სასამართლომ მწერალი 400 000 რუბლით (14 000 ლარამდე) დააჯარიმოს და სასჯელის მოხდის შემდეგ ხუთი წლის განმავლობაში ინტერნეტ გვერდების ადმინისტრირება აეკრძალოს. ამის შესახებ Mediazona-ზე დაყრდნობით, DW წერს.

აკუნინს ბრალად ედება "ტერორისტული საქმიანობის ხელშეწყობა", "ტერორიზმის გამართლება" და "უცხოელი აგენტის" მოვალეობებისთვის თავის არიდება.

კერძოდ, ბრალდებაში ფიგურირებს მწერლის საუბარს პრანკერებთან, ვოვანთან და ლექსუსთან, რომლებმაც თავი უკრაინის პრეზიდენტ ვოლოდიმირ ზელენსკისა და კულტურის მინისტრის, ალექსანდრ ტკაჩენკოს სახელით გააცნეს.

თავად აკუნინმა სოციალურ ქსელში დაწერა, რომ ის არანაირად არ მონაწილეობს სასამართლო პროცესში:

"მე არ ვცნობ მათ სასამართლოს. მე არ მიმიცია არცერთი ადვოკატისთვის ჩემი წარმომადგენლობის უფლება მათ ე.წ. სასამართლოში და არანაირად არ ვმონაწილეობ ამ ფარსში", — წერს აკუნინი.