სასამართლომ კოალიცია ცვლილებისთვის ერთ-ერთ ლიდერს, ნიკა გვარამიას პატიმრობა შეუფარდა — გადაწყვეტილება მოსამართლე ჯვებე ნაჭყებია მიიღო.

გვარამიამ ქართული ოცნების დროებითი საგამოძიებო კომისიაზე გამოუცხადებლობისთვის დაწესებული 30 000-ლარიანი გირაო არ გადაიხადა. ბრალდებულს სისხლის სამართლის კოდექსის 349-ე მუხლით ედავებოდნენ, რაც "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს.

ნიკა გვარამია სასამართლო სხდომას არ ესწრებოდა. ტვ პირველის ინფორმაციით, ის თავისით რუსთავის მე-12 პენიტენციური დაწესებულებისკენ მიემართება.

სასამართლოს გადაწყვეტილების გამოცხადებიდან მალევე, გვარამიამ სოციალურ ქსელში განცხადება გააკეთა:

"არც ერთი ნაბიჯი უკან! ჩვენს უკან ჩვენი სამშობლოა!
ოლიგარქია უნდა დაემხოს!
დიდება საქართველოს!" — წერს გვარამია.

ცნობისთვის, ოცნების დროებით საგამოძიებო კომისიაზე გამოუცხადებლობისთვის კოალიცია ცვლილებისთვის 3 ლიდერს — ზურაბ გირჩი ჯაფარიძეს, ნიკა მელიას და ნიკა გვარამიას პატიმრობა შეეფარდათ.