იოკო ონომ პოლონურ კომპანიას მოსთხოვა, რომ სახელი შეეცვალა თავისი ბრენდისთვის და უალკოჰოლო სასმელისთვის John Lemon, წინააღმდეგ შემთხვევაში სასამართლოს მიმართავდა და ყოველდღიურად 5 000 ევროს და ყოველ გაყიდულ ბოთლზე 500 ევროს მოითხოვდა.

ონო მიიჩნევდა, რომ ამ სახელით კომპანია მისი გარდაცვლილი ქმრის, ჯონ ლენონის, პერსონალურ უფლებებს არღვევდა. კომპანია, თავის მხრივ, ბრალდებებს უარყოფდა.

ონოს ადვოკატის განცხადებით, კომპანიას, რომელიც 5 წელია არსებობს და დიდი ბრიტანეთის გარდა, ევროპის 13 ქვეყანაში აქვს ბიზნესი და ბარები, ჭიქებზე ლენონის ხელნაწერი Let It Be ჰქონდა დაბეჭდილი.

ამას გარდა, ირლანდიაში John Lemon-ის რესტორანში კარებზე განთავსებულ აბრაზე ჯონ ლენონი ეხატა, რომელსაც ლიმნები უჭირავს.

იოკო ონოსგან გამაფრთხილებელი წერილების მიღების შემდეგ, კომპანია სახელის შეცვლას დასთანხმდა და სასმელს და მათ კომპანიას ახლა On Lemon ჰქვია. აღსანიშნავია, რომ On Lemon ასევე წააგავს Ono Lennon-ს.

კომპანია ვალდებულია უკვე არსებული ყველა ბოთლი John Lemon ოქტომბრის დასრულებამდე გაყიდოს.