ოცნების პარლამენტის თავმჯდომარე, შალვა პაპუაშვილი ბრიტანეთის საელჩოს სოციალურ ქსელში გამოქვეყნებული განცხადებით მიმართავს. მისი თქმით, საელჩო აპირებდა პროპაგანდისა და ექსტრემიზმის დაფინანსებას.

"ბრიტანეთის საელჩოს განცხადების შემდეგ, გამჟღავნდა, რომ საელჩო აპირებდა ადგილობრივი არჩევნების ჩაშლის გაცხადებული მიზნის მქონე პარტიული პროპაგანდის და ექსტრემისტი პოლიტიკოსების დაფინანსებას, რაც ამყარებს ეჭვს, რომ ეს არ იყო პროპაგანდისა და ექსტრემიზმის დაფინანსების პირველი მცდელობა",— წერს შალვა პაპუაშვილი.

ოცნების პარლამენტის თავმჯდომარემ, ასევე ბრიტანეთის საელჩოს დაფინანსებების გასაჯაროება მოითხოვა.

"მივმართავ ბრიტანეთის საელჩოს, გაასაჯაროოს, ვის და რა თანხით აფინანსებდა 2024 წლის საპარლამენტო არჩევნებთან დაკავშირებით და ვის და რა თანხით აფინანსებს დღეს",— ვკითხულობთ შალვა პაპუაშვილის მიერ გამოქვეყნებულ განცხადებაში.