რამდენიმე დღის წინ მექსიკაში ნეტფლიქსის სერიალ Narcos-ის ლოკაციის მენეჯერი, კარლოს მუნიეს პორტალი მოკლეს. როგორც ცნობილია მას ცეცხლსასროლი იარაღიდან რამდენიმე ტყვია ესროლეს.

ამ ამბავს გამოეხმაურა ნარკობარონ პაბლო ესკობარის ძმა რობერტო ესკობარი და სერიალის გადამღებ ჯგუფს ქილერების დაქირავება და მათი დახმარებით თავის დაცვა ურჩია.

"ვურჩევ საფრთხეები მინიმუმამდე დაიყვანონ. თუ ინტელექტი გაქვს, შიშველი ხელებითაც შეგიძლია გადაირჩინო თავი, მაგრამ თუ ტვინი არ გაქვს, საქმეში პროფესიონალები უნდა ჩარიო. ამ შემთხვევაში, ნეტფლიქსმა პროფესიონალი მკვლელები უნდა დაიქირავოს დაცვისთვის".

პაბლო ეკობარის ძმა სერიალსაც გამოეხმაურა:

"მე საერთოდ არ მინდა, რომ ნეტფლიქსი ან რომელიმე სხვა კომპანია ამ თემაზე და ქვეყანაზე სერიალს იღებდეს. ეს ძალიან სახიფათოა, მით უმეტეს, ამბის მონაწილეების თანხმობის გარეშე. ეს ჩემი ქვეყანაა. რაც შეეხება ნეტფლიქსს, მათი გუნდი დამფრთხალია, უზარმაზარი წერილი გამომიგზავნეს, ცდილობდნენ დავეშინებინე თუმცა მინდა იცოდნენ, რომ თუ ჩემს მოთხოვნებს არ დაემორჩილებიან, ნეტფლიქსის პატარა შოუს ცუდი ბედი ეწევა"

სერიალი ნარკოსი ნეტფლიქსზე 2015 წლის აგვისტოში დაიწყო, რომელშიც მთავარ, პაბლო ესკობარის როლს ბრაზილიელი მსახიობი ვაგნერ მოურა ასრულებს.