რამდენიმე საათის წინ ცნობილი გახდა, რომ ნეტფლიქსის სერიალ Narcos-ის ლოკაციის მენეჯერი, კარლოს მუნიეს პორტალი მექსიკაში მოკლული იპოვეს. როგორც ცნობილია მას ცეცხლსასროლი იარაღიდან რამდენიმე ტყვია ესროლეს.

კარლოსის ცხედარი 10 სექტემბერს აღმოაჩინეს, თუმცა მისი მკვლელობის ზუსტი თარიღი ჯერ-ჯერობით უცნობია.

თანამშრომლის მკვლელობის ფაქტს გამოეხმაურა ნეტფლიქსიც, თუმცა, კომპანია ამბობს, რომ მათთვის მკვლელობის დეტალები უცნობია და შესაბამის ინფორმაციას სამართალდამცველებისგან ელიან.