სამშაბათს, 20 მაისს, დიდმა ბრიტანეთმა რუსეთის წინააღმდეგ ახალი ფართომასშტაბიანი სანქციები დააწესა, რომელთა მიზანია რუსეთის სამხედრო, ენერგეტიკულ და ფინანსურ სექტორებზე ზეწოლის გაზრდაა.

ამის შესახებ ინფორმაცია დიდი ბრიტანეთის მთავრობის ოფიციალურ ვებსაიტზე ვრცელდება.

სანქციები დაუწესდა რუსეთის სამხედრო სტრუქტურებს, ორგანიზაციებს, რომლებიც კრემლის აგრესიულ საინფორმაციო ომს უჭერენ მხარს და ფინანსურ ინსტიტუტებს, რომლებიც უკრაინაში შეჭრას ფინანსურად ეხმარებიან.

"მას შემდეგ, რაც პრეზიდენტი პუტინი დაუნდობლად აძლიერებს თავდასხმებს უდანაშაულო უკრაინელებზე, დიდი ბრიტანეთი აძლიერებს ზეწოლას 100 ახალი სანქციის დაწესებით", — ნათქვამია განცხადებაში.

მთავრობა განსაკუთრებით ორიენტირებულია ნავთობის ფასების შეზღუდვაზე, რაც ხელს უწყობს რუსეთის ძირითადი შემოსავლების შემცირებას, რომლებიც საჭიროა პუტინის საომარი მანქანის მხარდასაჭერად.

სანქციები ასევე შეეხო სოციალური პროექტირების სააგენტოს (SDA) 14 წევრს, ორგანიზაციას, რომელიც კრემლის მიერ დაფინანსებულ საინფორმაციო ოპერაციებს ახორციელებს უკრაინასა და მსოფლიოში დემოკრატიისა და კანონის უზენაესობის შელახვის მიზნით.

ადრე შეზღუდვები დაწესდა SDA ადმინისტრაციაზე, ახლა სანქციები ვრცელდება ამ სტრუქტურის ყველა დონეზე.

ახალი სანქციები ასევე მიმართულია 46 ფინანსური ინსტიტუტის წინააღმდეგ, რომლებიც რუსეთს სანქციებისგან თავის არიდებაში ეხმარებიან, მათ შორის სანქტ-პეტერბურგის სავალუტო ბირჟისა და რუსეთის დეპოზიტების დაზღვევის სააგენტოს მიმართ.

შეზღუდვები მიზნად ისახავს რუსეთის ეკონომიკის იზოლაციას და კრემლის დაფინანსების არხების ჩაშლას.

ცნობისათვის, 20 მაისს, ევროკავშირმა რუსეთის ფედერაციის წინააღმდეგ სანქციების მე-17 პაკეტი მიიღო. სანქციები დაუწესდა17 ფიზიკურ პირსა და 58 კომპანიას. სანქციები შეეხო ასევე "ჩრდილოვანი ფლოტის" 200-მდე გემი. პაკეტი მოიცავს ჰიბრიდული საფრთხეებისა და ადამიანის უფლებების დარღვევების წინააღმდეგ ზომებს.

ევროკავშირის დიპლომატიის ხელმძღვანელმა ხაზგასმით აღნიშნა, რომ რაც უფრო დიდხანს გააგრძელებს აგრესორი ამ ომს, მით უფრო მკაცრი იქნება პასუხი.