თბილისის უზენაესმა სასამართლომ იუსტიციის სამინისტროს დანაშაულის პრევენციის ცენტრის საკასაციო საჩივარი დაუშვებლად ცნო. სამინისტომ სამივე შიდა ინსტანცია ამოწურა, რაც იმას ნიშნავს, რომ უახლოეს მომავალში გათავისუფლებული თანამშრომლების, ანა სუბელიანისა და თამაზ ახობაძის სამსახურიში აღდგენა მოუწევს.

როგორც საქართველოს ახალგაზრდა იურისტთა ასოციაციის ადვოკატმა, შორენა ლოლაძემ On.ge-ს უთხრა, სამინისტრო სუბელიანსა და ახობაძეს გათავისუფლებიდან სამსახურში აღდგენამდე ასაღებ ხელფასსაც დაუბრუნებს.

"ანუ აპელაციის გადაწყვეტილება შევიდა ძალაში. ახლა ველოდებით უზენაესმა დაწეროს განჩინება და ჩაგვაბაროს და ამის მერე შეგვეძლება დავიწყოთ იძულებითი აღსრულება."

2014 წელს ანა სუბელიანი და თამაზ ახობაძე სამსახურიდან გაათავისუფლეს. ისინი მათ გათავისუფლებას თეა წულუკიანის პირად გადაწყვეტილებას უკავშირებდნენ, რადგან მათ ფეისბუკზე გააპროტესტეს დანაშაულის პრევენციის ცენტრის, დავით მაისურაძის, გათავისუფლება. სუბელიანმა და ახობაძემ სსიპ-ს, დანაშაულის პრევენციის ცენტრს, სააპელაციო სასამართლოში დავა 2017 წლის 9 მარტს მოუგეს. სააპელაციომ ცენტრს მათი სამსახურში აღდგენა და სამწლიანი იძულებითი განაცდურის ანაზღაურება დააკისრა.