2017 წლის მეორე კვარტალში - იანვარ-ივნისში მთლიანი შიდა პროდუქტის მაჩვენებელმა მიმდინარე ფასებში 9 066,1 მლნ. ლარი შეადგინა. ეს მაჩვენებელი წინა წლის იმავე პერიოდის მონაცემთან შედარებით 4,7 პროცენტითაა გაზრდილი. სტატისტიკურ მონაცემებს საქსტატი აქვეყნებს.

როგორც უწყებაში აღნიშნავენ, მიმდინარე წლის მეორე კვარტალში დეფლატორი 5,9 პროცენტი იყო.

საქსტატის მონაცემებით, ზრდა აღინიშნებოდა შემდეგ დარგებში:

  • მშენებლობა - 16,4 პროცენტი;
  • სასტუმროები და რესტორნები - 12,9 პროცენტი;
  • სამთომოპოვებითი მრეწველობა - 7,4 პროცენტი;
  • უძრავი ქონება, იჯარა და მომხმარებლისათვის მომსახურების გაწევა - 7,2 პროცენტი;
  • ტრანსპორტი - 7 პროცენტი;
  • საფინანსო საქმიანობა - 6,4 პროცენტი;
  • კავშირგაბმულობა - 4,8 პროცენტი;
  • სახელმწიფო მმართველობა - 4,5 პროცენტი.

კლება დაფიქსირდა სოფლის მეურნეობაში (-2.4 პროცენტი) და ელექტროენერგიის, აირისა და წყლის წარმოება-განაწილებაში (-0,9 პროცენტი).