გერმანიის ხელისუფლება ეჭვობს, რომ უცხოელების მიერ ჩადენილი ტერაქტების სერია, შესაძლოა, რუსეთის მიერ იყოს მოწყობილი. ამის შესახებ The Telegraph წერს.

გამოცემა წერს, რომ გამოძიების მიხედვით, რუსები ინტერნეტში ეძებდნენ გერმანიაში მომხდარი ტერაქტის დეტალებს, სანამ ის რეალურად მოხდებოდა.

2024 წლის მაისში, ქალაქ მანჰეიმში ულტრამემარჯვენე ანტიისლამური აქტივისტი, მაიკლ სტიურცენბერგერი მძიმედ დაშავდა და გერმანელი პოლიციელი დაიღუპა, როდესაც ავღანელი თავშესაფრის მაძიებელმა დანით თავდასხმა მოაწყო.

გერმანული მაუწყებლის, ZDF-ის გამოძიებამ დაადგინა, რომ ფრაზები "მიხაელ სტიურცენბერგერი დაჭრეს" და "მიხაელ სტიურცენბერგერი თავდასხმა" გამოიყენებოდა რუსეთში ინტერნეტ საძიებელში თავდასხმის დაწყებამდე, რაც იწვევს შეშფოთებას, რომ მოსკოვმა წინასწარ იცოდა დაჭრის შესახებ, წერს გამოცემა.

ZDF-მა აღმოაჩინა დამატებითი მტკიცებულებები რუსი ინტერნეტ მომხმარებლების შესახებ, რომლებიც ცდილობდნენ მიეღოთ ვებკამერაზე წვდომა და მანჰეიმის მოედანზე, თავდასხმისთვის ეყურებინათ.

The Telegraph ასევე მარტში წერდა, რომ გერმანიის ხელისუფლება ეჭვობს, რომ 2025 წლის თებერვალში ჩატარებული გერმანიის არჩევნების წინ, უცხოელების მიერ ჩადენილი ტერაქტების სერია, შესაძლოა, რუსეთის მიერ იყო ორგანიზებული.

იმ პერიოდში უცხო ქვეყნის მოქალაქეების მიერ ქალაქ სოლინგენში, მანჰეიმში, მაგდებურგში, აშაფენბურგსა და მიუნხენში განხორციელდა ხუთი თავდასხმა, რომელთაც მსხვერპლი მოჰყვა და აქედან უმეტესობა თავშესაფრის მაძიებლებმა ჩაიდინეს.

ამას გარდა, 2025 წლის დასაწყისში, The Telegraph-მა გამოავლინა, რომ ეჭვმიტანილმა რუსმა აგენტებმა ჩაატარეს სახანძრო უსაფრთხოების პროტოკოლების ინტერნეტ-კვლევა ბერლინის ქარხანაში, რომელიც გერმანული იარაღის ფირმა Diehl-ს ეკუთვნის. 3 კვირაში ამ ქარხანაში ხანძარი გაჩნდა.

The Telegraph-მა ასევე გამოავლინა მარტში, რომ გერმანიის ხელისუფლება იკვლევს თეორიას, რომ გერმანიის ბოლო არჩევნებამდე 10 თვით ადრე უცხოელების მიერ განხორციელებულ ზოგიერთ ტერორისტულ თავდასხმასთან შეიძლება რუსეთს ჰქონდეს კავშირი. ამ თეორიის მიხედვით, რუსეთი ცდილობდა, რომ თავდასხმების განსახორციელებლად ფსიქიკურად დაავადებული თავშესაფრის მაძიებლები და სხვა ექსტრემისტები დაექირავებინა.