აშშ-ის ცენტრალური სადაზვერვო სააგენტოს (CIA) დირექტორმა ჯონ რეტკლიფმა დაადასტურა, რომ აშშ-მა უკრაინას სადაზვერვო ინფორმაციის მიწოდება შეუწყვიტა 28 თებერვალს თეთრი სახლის ოვალურ კაბინეტში ვოლოდიმირ ზელენსკისა და დონალდ ტრამპს შორის მომხდარი შელაპარაკების შემდეგ.

"ტრამპს რეალური კითხვა აქვს — ნამდვილად ერთგულია თუ არა პრეზიდენტი ზელენსკი სამშვიდობო პროცესის, და მან თქვა, მოდით, შევაჩეროთ... მინდა, რომ ამაზე დავფიქრდეთ — თქვენ ნახეთ პრეზიდენტ ზელენსკის პასუხი. ასე რომ, სამხედრო ფრონტზე და სადაზვერვო ფრონტზე, პაუზა, რომლის გამოც ეს მოხდა, ვფიქრობ გაქრება", — განაცხადა რეტკლიფმა.

ჯონ რეტკლიფმა გამოთქვა იმედი, რომ აღნიშნული დაპაუზება მალე მოიხსნება და ხაზი გაუსვა მის ძალისხმევას უკრაინაში მშვიდობის მიღწევის კუთხით.

"მე ვფიქრობ, ჩვენ მხარდამხარ ვიმუშავებთ უკრაინელებთან ერთად, რადგან აგრესიას, რომელიც იქ მიმდინარეობს, უკან უნდა დავახევინოთ, რითაც სამყაროს უკეთეს ადგილად ვაქცევთ და სამშვიდობო მოლაპარაკებებს წინ წავწევთ", — განაცხადა CIA-ს დირექტორმა.