CNN-ის ცნობით, დონალდ ტრამპი და ვოლოდიმირ ზელენსკი იშვიათი მინერალების შესახებ შეთანხმებას ხელს ვაშინგტონში, 28 თებერვალს მოაწერენ. მედიის ცნობით, ეს ინფორმაცია დონალდ ტრამპმა დაადასტურა — შეთანხმების ნაწილი იქნება ომით განადგურებული უკრაინის რეკონსტრუქციაც.

"პრეზიდენტი ზელენსკი პარასკევს ჩამოვა, უკვე დადასტურებულია. ჩვენ ხელს მოვაწერთ [იშვიათ წიაღისეულზე] შეთანხმებას, ეს ძალიან დიდი შეთანხმება იქნება" — განაცხადა ტრამპმა

ტრამპის თქმით, მინერალებზე შეთანხმების შედეგად ამერიკელი გადასახადის გადამხდელები ფულს უკან დაიბრუნებენ, ხოლო კითხვაზე, თუ რას მიიღებს უკრაინა შეთანხმების სანაცვლოდ, პრეზიდენტმა უპასუხა, რომ უკრაინა "$350 მილიარდს, ბევრ სამხედრო შეიარაღებასა და ბრძოლის გაგრძელების უფლებას მიიღებს".