საქართველოს მე-5 პრეზიდენტმა, სალომე ზურაბიშვილმა სოციალურ ქსელში ახალი არჩევნების გეგმა გამოაქვეყნა:

"ახალი არჩევნების გეგმა:

1. არჩევნების პირობების დაწესება;

2. საარჩევნო კომისიებისა და დამკვირვებლების "ჯარის" მომზადება;

3. საერთაშორისო პარტნიორების მონაწილეობით ახალი არჩევნების გაყალბებისგან დაცვა;

4. პოლიტიკურ ძალებს შორის კოორდინაცია ახალი არჩევნებისთვის;

5. ერთიანი საარჩევნო პროგრამა — "ქართული ქარტია" და მისი პრიორიტეტები: პოლიტპატიმრების გათავისუფლება, რუსული კანონის გაუქმება, სამართლიანი სასამართლოს აღდგენა," — წერია ზურაბიშვილის მიერ გამოქვეყნებულ ინფორმაციაში.

ცნობისთვის, 25 თებერვლის აქციაზე სალომე ზურაბიშვილმა განაცხადა, რომ ის მზადაა დაჯდეს ქართული ოცნების საპატიო თავმჯდომარე, ბიძინა ვანიშვილთან ერთად და მოიფიქრონ, როგორ უნდა დაინიშნოს ახალი არჩევნები. ზურაბიშვილის განცხადებით, ახალი არჩევნების რიცხვი 29 დეკემბრამდე უნდა იყოს შეთანხმებული, შესაბამისად, ის ელოდება პასუხს.