უკრაინის პრეზიდენტმა ვოლოდიმირ ზელენსკიმ 19 თებერვალს აშშ-რუსეთს შორის მიმდინარე მოვლენებსა და პრეზიდენტ დონალდ ტრამპის ბოლოდროინდელ რიტორიკაზე ისაუბრა.

უკრაინის ლიდერის განცხადებით, ჩატარდა კვლევა, რომელმაც აჩვენა, რომ უკრაინის მოსახლეობის 58% მას ენდობა ლიდერის რანგში. ზელენსკიმ ისაუბრა რუსეთისგან მომავალ დეზინფორმაციაზე და დონალდ ტრამპს "ამ დეზინფორმაციულ სივრცეში მოხვედრილიც" უწოდა.

"მიუხედავად უდიდესი პატივისცემისა პრეზიდენტი დონალდ ტრამპის, როგორც ლიდერის მიმართ, ის ამ დეზინფორმაციულ სივრცეში ცხოვრობს", — განაცხადა უკრაინის პრეზიდენტმა.

უკრაინის პრეზიდენტი გამოეხმაურა დონალდ ტრამპის მიერ 18 თებერვალს გაკეთებულ განცხადებას იმასთან დაკავშირებით, რომ 2019 წელს არჩეული ვოლოდიმირ ზელენსკის რეიტინგი 4%-მდე დაეცა.