ლიეტუვის თავდაცვის მინისტრ დოვილე შაკალიენეს განცხადებით, ევროპა მზად უნდა იყოს პოტენციური ომისთვის, რადგან ვლადიმერ პუტინი არ შეიცვლება.

მინისტრის სიტყვებით, ევროპელი ლიდერების მოქმედებები მიმდინარე წელს ჩაუყრის საფუძველს ევროპის გაძლიერებას ან დაშლას.

"ჩვენ 3-4 წელი გვაქვს, რათა სრულად მოვემზადოთ ევროპაში მორიგი დიდი ომისთვის. NATO 100%-ით მზად უნდა იყოს ომისათვის ნებისმიერ მომენტში, რადგან ერთადერთი გზა ომის ასარიდებლად, არის მისთვის სრულად მომზადება. ჩვენ აღარ გვაქვს უფლება, უსაფრთხოების ილუზიები გვქონდეს", — განაცხადა დოვილე შაკალიენემ.