ბათუმელების ცნობით, ბათუმის აქციების მედროშე, პოლიტიკური ნიშნით დაკავებული თემურ ქათამაძე, შიმშილობის 30-ე დღეს, კლინიკაში გადაიყვანეს.

საინფორმაციო სააგენტო ინფორმაციას თემურ ქათამაძის მეგობარზე დაყრდნობით ავრცელებს.

"დილას ვნახე, ფიზიკურად ძალიან დასუსტებული იყო. ცუდად გამოიყურებოდა, წვერიც არ ჰქონდა გაპარსული, მაგრამ სულიერად მხნედ იყო. საბუთებს აგროვებს თავის საქმეზე. ახლა ადვოკატს ვესაუბრე და მითხრა, რომ კლინიკა "ჰელსიკორში" გადაიყვანეს," — განუცხადა ბათუმელებს თემურ ქათამაძის მეგობარმა ნინო კაკულიამ.

საქართველოს ახალგაზრდა იურისტთა ასოციაციის ადვოკატ მარიამ გაბროშვილის ცნობით, თემურ ქათამაძე კლინიკაში აუცილებელი გამოკვლევების ჩატარების მიზნით გადაიყვანეს.