"მინდა მოვუწოდო თითოეულ მოქალაქეს, ვინც იბრძვის ამ ქვეყნის მოქალაქეს, მონაწილეობს შეკრება-მანიფესტაციებში, რომ არ გადაიხადოთ პატრულის ჯარიმები — გაასაჩივრეთ. გაასაჩივრეთ არა იმიტომ, რომ ჩვენ გვაქვს რაიმე იმედი, შსს-ში ან სასამართლოში რაიმე სამართლიანობის მიღწევის იმედი ან მათ ლეგიტიმურობას ვაღიარებთ, არამედ იმიტომ, რომ სისტემაში არსებობს ბზარი, სისუსტე, რომელიც უნდა გამოვიყენოთ", — ამის შესახებ კოალიცია ცვლილებისთვის წევრმა, გიგა ლემონჯავამ დღეს გამართულ ბრიფინგზე განაცხადა. მისი თქმით, კოალიცია ცვლილებებისთვის” დაეხმარება მოქალაქეებს იურიდიული დოკუმენტებით.

"1-ელ თებერვალს, ვაჟა სირაძემ, საპატრულო პოლიციის დეპარტამენტის დირექტორმა პატაკით მიმართა გომელაურს, სადაც მიუთითებდა პრობლემაზე, რომ მათ უჭირთ უკვე ამდენ ჯარიმაზე სამართლებრივი რეაგირება. 3 რიცხვი დაინიცირდა შესაბამისი ცვლილებები ადმინისტრაციულ კანონმდებლობაში, ხოლო 7-ში შევიდა ძალაში. ეს ცვლილებები ეხება გზის გადაკეტვის პროცესს, ნიღბის ტარების უფლებას დემონსტრაციების დროს და ასევე, პიროტექნიკის გამოყენებას.

არ გადაიხადოთ ეს პატრულის ჯარიმები და გაასაჩივრეთ, რადგან გასაჩივრება აჩერებს გადახდის პროცესს, ანუ ამ პერიოდში არ მოგიწევთ უკანონო ჯარიმის გადახდა. ასევე, ვაპირებთ, დავტვირთოთ სისტემა მაქსიმალურად. ეს პატაკი და ზოგადად ეს ცვლილებები კანონმდებლობაში მიუთითებს, რომ ადამიანების დასაშინებლად მოფიქრებული ჯარიმები გახდა პრობლემა თავად რეპრესიული სისტემისთვის, ამიტომ მაქსიმალურად უნდა დავტვირთოთ რეჟიმი, შსს და სასამართლო.

...ჩვენი კოალიცია დაგეხმარებათ, შესაბამისი იურიდიული დოკუმენტებით" — გიგა განაცხადა ლემონჯავამ.