ლარის კურსი 42-ზე მეტ ვალუტასთან გაუფასურდა. 6 სექტემბრის ოფიციალურ გაცვლით კურსს საქართველოს ეროვნული ბანკი აქვეყნებს.

საქართველოს ეროვნული ბანკი ლარის ოფიციალურ გაცვლით კურსს, ყოველდღიურად, 43 ვალუტასთან მიმართებით აქვეყნებს. ამ მონაცემების მიხედვით, ლარი მხოლოდ უზბეკურ სუმთან არ გაუფასურდა.

6 სექტემბრისთვის ლარი აშშ დოლართან 4 თეთრზე მეტით, ევროსთან კი თითქმის 5 თეთრით გაუფასურდა. ხვალიდან, ეროვნული ბანკის კურსით, ერთი აშშ დოლარი 2,4926 ლარი ეღირება, ერთი ევრო კი - 2,9662 ლარი.

ამ დროის მონაცემებით, საქართველოს ორ უმსხვილეს ბანკში - საქართველოს ბანკსა და თიბისი ბანკში ლარის უფრო დაბალი კურსია. თიბისი ბანკში ერთი აშშ დოლარი 2,525 ლარი ღირს, ერთი ევრო კი - 3,038 ლარი. საქართველოს ბანკში - ერთი დოლარი - 2,545 ლარი ღირს, ერთი ევრო კი - 3,035 ლარი.