დღეს, საქართველოს დროის დილის 4 საათზე, ლოს-ანჯელესში მუსიკალური ინდუსტრიის ყველაზე პატივსაცემი და მნიშვნელოვანი მოვლენა — გრემის დაჯილდოება ჩატარდა. წლევანდელი გრემის ცერემონია მოულოდნელობებითა და სასიამოვნო სიურპრიზებით იყო აღსავსე — ბიონსემ კარიერის მანძილზე პირველად გაიმარჯვა წლის ალბომის ნომინაციაში, კენდრიკ ლამარმა სიმღერისთვის Not Like Us 5 გრემი მოიპოვა, გრემის მფლობელები კარიერაში პირველად გახდნენ შაპელ როუნი, საბრინა კარპენტერი, Charli XCX და ა.შ...

თუმცა, უშუალოდ ცერემონიის გარდა, შემოქმედებითობითა და მომხიბვლელობით აღსავსე იყო გრემის დაჯილდოების წითელი ხალიჩაც. გთავაზობთ საუკთესოდ ჩაცმული ცნობილი სახეების ლუქებს:

ტეილორ სვიფტი

ტეილორ სვიფტმა ცერემონიის წითელი ხალიჩა ვივიენ ვესტვუდის კაბით გაიარა.

Charli XCX

ბრიტანელ მუსიკოსს, რომელმაც წლის ერთ-ერთი ყველაზე გავლენიანი ალბომისთვის 3 გრემი მოიპოვა, წითელ ხალიჩაზე ჟან პოლ გოტიეს კაბა ეცვა.

საბრინა კარპენტერი

საბრინა კარპენტერმა, რომელმაც დღეს კარიერის პირველი გრემი მოიპოვა, ჩვეული გამომწვევი სტილი მოირგო. მას JW Anderson-ის კაბა ამშვენებს.

ბილი აილიში

ბილი აილიში წელს პრადას ლუქში ვიხილეთ.

ჩაპელ როუნი

ჩაპელ როუნს ედგარ დეგას ნახატით შთაგონებული ჟან პოლ გოტიეს საოცრად დრამატული კაბა ემოსა, რომელიც, ჩვენი აზრით, სამუზეუმო შემოქმედებაა.

ლედი გაგა

ლედი გაგა, რომელმაც სიმღერისთვის Die With A Smile გრემი მოიგო, ახლებური სტილით წარმოგვიდგა. მას სემუელ ლიუისის გოთიკური კაბა აცვია.

ოლივია როდრიგო

ოლივია როდრიგოს გამომწვევმა ვერსაჩეს კაბამ წელს ინტერნეტის გული დაიპყრო.

სინტია ერივო

Wicked-ის ვარსკვლავს გრემის წითელ ხალიჩაზე Louis Vuitton-ის მუქლურჯი კაბა ეცვა.

ქარდი ბი

ქარდი ბი რობერტო კავალის ბუმბულებითა და ბრჭყვიალებით დატვირთული კაბით წარუდგა აუდიტორიას.

მაილი საირუსი

მაილი საირუსმა ივ სან ლორანის შავი ტყავის კაბა მოირგო.

ალიშა კისი

შეუდარებელი ალიშა კისი წითელ ხალიჩაზე დოლჩე & გაბანას სკულპტურირებული კორსეტითა და მასიური აქსესუარებით წარდგა.

პერის ჰილტონი

პოპკულტურის პრინცესა გრემის წითელ ხალიჩაზე Chrome Hearts-ის ოქროსფერი საღამოს კაბით მივიდა.

შაკირა

შაკირამ, რომელმაც საუკეთესო ლათინური ალბომის ნომინაციაში გაიმარჯვა, Etro-ს გამჭვირვალე კაბა მოირგო.

Doechii

რეპერი Doechii წელს გრემის მფლობელი გახდა. მას Thom Browne-ს ნაცრისფერი კაბა ეცვა.

ჯეიდენ სმითი

უილ სმითის შვილის ტრივიალურმა ჩაცმულობამ წელს პაპარაცების დიდი ყურადღება დაიმსახურა. მისი სახლის ფორმის არაორდინალური აქსესუარი ტრანსილვანიელი დიზაინერის ნახელავია.

ქანიე ვესთი და ბიანკა ცენსორი

დაბოლოს, წარმოდიგენთ რეპერი ქანიე ვესთისა და მისი ცოლის ჩაცმულობას წითელ ხალიჩაზე — ბიანკა ცენსორის სკანდალურმა ჩაცმულობამ დამსწრე საზოგადოებასა და ინტერნეტზე შოკისმომგვრელი შთაბეჭდილება მოახდინა. მას Yeezy-ს, რეპერის ტანსაცმლის ბრენდის სრულიად გამჭვირვალე კაბა ეცვა.