"თბილისი მოლთან" მიმდინარე აქციაზე 2 თებერვალს [19:05 საათისთვის] შსს-ს წარმომადგენლებმა ათზე მეტი პირი დააკავეს, მათ შორის არიან პოლიტიკოსები გიგი უგულავა, ნიკა მელია, გიორგი კირთაძე და თენგო თევზაძე, ასევე დიმა ბიძინაშვილი.

ამ მომენტისთვის უცნობია რა მიზეზით დააკავეს აქციის მონაწილეები.

ასევე უცნობია დაკავებული მომიტინგეების ადგილმდებარეობა.

მასალა განახლდება

ცნობისთვის, 2 თებერვალს "თბილისი მოლთან" საპროტესტო აქციაა დაანონსდა. შსს-მ აქციის ანონსიდან მალევე გაავრცელა განცხადება, სადაც ნათქვამია, რომ სტრატეგიული მნიშვნელობის საავტომობილო გზის გადაკეტვა სისხლის სამართლის დანაშაულია.
აღნიშნული გზის მონაკვეთი "სტრატეგიულ ობიექტთან ნუსხაში" 2025 წლის 31 იანვარს დაემატა.