9 იანვარს, სალომე ზურაბიშვილი ჰადსონის ინსტიტუტში საქართველოს შესახებ დაგეგმილ დისკუსიაში მიიღებს მონაწილეობას. ამის შესახებ ინფორმაციას ჰადსონის ინსტიტუტი ავრცელებს.

ისინი წერეს, რომ დისკუსიაში თავისუფლებისთვის მებრძოლი საქართველოს პრეზიდენტი, სალომე ზურაბიშვილი მიიღებს მონაწილეობას, რასაც კონგრესმენ ჯო უილსონის კომენტარი და ექსპერტთა პანელის დისკუსია მოჰყვება.

"მასობრივი დემონსტრაციები მთელ საქართველოში ოქტომბრის ბოლოს გამართული საპარლამენტო არჩევნების შემდეგ მიმდინარეობს, რომელსაც დამკვირვებლები გაყალბებულად მიიჩნევენ. კრიზისი ნოემბერში გამწვავდა, როდესაც პრემიერმინისტრმა ირაკლი კობახიძემ განაცხადა, რომ საქართველო ევროკავშირში გაწევრიანების მოლაპარაკებებს მინიმუმ 2028 წლამდე შეაჩერებდა.

ბოლო წლებში კობახიძის პარტია ქართულმა ოცნებამ კრემლის პოზიცია დაიჭირა, დაგმო დასავლეთის სანქციები მოსკოვის წინააღმდეგ, გააღრმავა საქართველოს ეკონომიკური კავშირები რუსეთთან და უკრაინის ომი ჩრდილოატლანტიკური ხელშეკრულების ორგანიზაციას დააბრალა. პარტიამ შეინარჩუნა ძალაუფლება პოლიტიკური ოპოზიციის, სამოქალაქო საზოგადოებისა და დამოუკიდებელი მედიაზე ზეწოლის გზით. ამ გამოწვევების მიუხედავად, ქართველები გაბედულად ეწინააღმდეგებიან რუსეთის გავლენას — კეთილშობილ საქმეს, რომელიც პირდაპირ შეესაბამება შეერთებული შტატების ეროვნულ ინტერესებს.

შეუერთდით ჰადსონში თავისუფლებისთვის მებრძოლი საქართველოს პრეზიდენტი სალომე ზურაბიშვილის სპეციალურ მიმართვას, რასაც მოჰყვება კონგრესმენის ჯო უილსონის (R-SC) შენიშვნები და ექსპერტთა პანელი", — ნათქვამია ჰადსონის ინსტიტუტის მერ გავრცელებულ ინფორმაციაში.