საქართველოს შინაგან საქმეთა მინისტრის, გიორგი მღებრიშვილის თქმით აბასთუმნის ტყეში ხანძარი სრულად ლოკალიზებულია და მიმდინარეობს მისი ლიკვიდაცია:

"გუშინდელი დაკვამლიანება და გუშინდელი დაკვამლიანება ერთმანეთისგან განსხვავდება. ღია კერები არ არის, როგორც ეპიცენტრიდან გვაწვდიან ინფორმაციას".

აბასთუმნის ტყეში ხანძარი 29 აგვისტოს გაჩნდა. შსს-ს ცნობით, ხანძრის ქრობის პროცესში ჩართული იყო ათასზე მეტი თანამშრომელი, გაიჭრა ხუთ კილომეტრამდე გზა და ხანძრის კერებთან შეყვანილი იყო ათეულობით ხანძარსაწინააღმდეგო ტექნიკა.

როგორც უწყებამ თქვა, ცეცხლის ლოკალიზების სამუშაოებში ჩართული იყო შსს-ს სასაზღვრო პოლიციის, ასევე, კომპანია თუშეთის ვერტმფრენები. ასევე, გუშინ დღის მეორე ნახევარში ხანძრის ქრობის პროცესში ჩაერთო უკრაინული თვითმფრინავი და აზერბაიჯანისა და თურქეთის ვერტმფრენები.