BBC-ის ცნობით, სამხრეთ კორეაში სამართალდამცავებმა იმპიჩმენტირებული პრეზიდენტის, იუნ სუკ იოლის დაპატიმრება ვერ შეძლეს და პრეზიდენტის რეზიდენცია დატოვეს.

3 იანვრის დილით იუნის რეზიდენციასთან პოლიციელები მივიდნენ, თუმცა რეზიდენციასთან შეკრებილმა მხარდამჭერებმა ისინი შეაფერხეს. რამდენიმე საათში სამართალდამცველები შევიდნენ რეზიდენციაში, თუმცა საპრეზიდენტო დაცვის სამსახურმა ისინი შეაჩერა.

ანტიკორუფციული სამსახური ამბობს, რომ განიხილავს სამომავლო ნაბიჯებს - თუმცა რას, არ დაუზუსტებია. დაკავების ორდერს ვადა 6 იანვარს გასდის.

ამას წინ უძღოდა 2024 წლის 31 დეკემბერს სეულის საოლქო სასამართლოს მიერ იუნ სოკ იოლის დაპატიმრების ორდერი გასცა.

მას ბრალად ედება საომარი მდგომარეობის უკანონოდ გამოცხადება და კონსტიტუციური წყობის წინააღმდეგ ამბოხება და სახელმწიფო ღალატი. იუნ სოკ იოლი ამ ბრალდებებს უარყოფს.

ბოლო ორი კვირის განმავლობაში იუნ სოკ იოლი დაკითხვაზე სამჯერ არ გამოცხადდა, რის გამოც გამომძიებლებმა სასამართლოს მიმართეს დაპატიმრების ორდერისთვის. ადვოკატები ამ შუამდგომლობას უკანონოდ მიიჩნევენ და აცხადებენ, რომ პრეზიდენტს კონსტიტუციით აქვს მინიჭებული საომარი მდგომარეობის გამოცხადების უფლება.