შალვა პაპუაშვილმა აზერბაიჯანის ელჩს აზერბაიჯანის ავიახაზების თვითმფრინავის მიერ განცდილი ავიაკატასტროფის გამო მიუსამძიმრა. შესაბამის ტექსტს ქართული ოცნების პარლამენტის თავმჯდომარე Facebook პოსტით ავრცელებს.

შეგახსენებთ, რომ 25 დეკემბერს ყაზახეთის ქალაქ აქტაუსთან ჩამოვარდა აზერბაიჯანის ავიახაზების კუთვნილი სამგზავრო თვითმფრინავი, რასაც 38 ადამიანის სიცოცხლე ემსხვერპლა.

"აზერბაიჯანის ელჩს აზერბაიჯანული ავიახაზების თვითმფრინავის მიერ განცდილი კატასტროფის გამო მივუსამძიმრე.

თანაგრძნობას ვუცხადებ აზერბაიჯანელ ხალხს. ვიზიარებ მათ მწუხარებას და დაზარალებულებს სწრაფ გამოჯანმრთელებას ვუსურვებთ", — ვკითხულობთ პაპუაშვილის პოსტში.

26 დეკემბერს Euronews-მა გაავრცელა ინფორმაცია, რომ აზერბაიჯანული თვითმფრინავის ჩამოვარდნა რუსეთის ფედერაციის საჰაერო თავდაცვის რაკეტის მიერ მიყენებულმა დაზიანებამ გამოიწვია. მედიას აღნიშნული აზერბაიჯანულმა წყარომ დაუდასტურა.