დღეს, 22 დეკემბერს, 21:00 საათზე პრეზიდენტი, სალომე ზურაბიშვილი პარლამენტის წინ ხალხს მიმართავს.

"9 საათზე გამოვალ სიტყვით იმისთვის, რომ ყველამ ერთად, იმ ადამიანებთან, რომლებიც ამდენი დღეა მართავენ პროტესტს სხვადასხვა ფორმით, კიდევ ერთხელ დავაფიქსიროთ ის, რომ არჩევნების გარეშე არაფერი არ იქნება. მე დარწმუნებული ვარ, რომ ვიქნებით კიდევ უფრო მეტნი, რაც ვართ და ვიქნებით ყოველდღიურად", — თქვა გუშინ პრეზიდენტმა.