დღეს, 9 დეკემბერს ჟურნალისტების კითხვებს საქართველოში ევროკავშირის ელჩმა, პაველ ჰერჩინსკიმ უპასუხა.

NEWS.On.ge-ს კითხვაზე, რომ ქართული ოცნება ევროკავშირში გაწევრიანების მოლაპარაკებების შეჩერების ერთ-ერთი მიზეზად ევროსაბჭოს რეზოლუციებით შანტაჟს ასახელებს, ჰერჩინსკიმ უპასუხა, რომ ევროპარლამენტი თავისუფალია რეზოლუციის მიღებისას და ამ რეზოლუციებს მისი 27 წევრი ქვეყანა ერთად იღებს.

"ორი წლის წინ, როცა საქართველოს მთავრობამ შეიტანა განაცხადი ევროკავშირში გაწევრიანებაზე, ჩვენ მივეცით კანდიდატის სტატუსი საქართველოს. განაცხადის შეტანით, ჩვენ საკმაოდ ცხადი პროცესი შევთავაზეთ საქართველოს ევროკავშირში გასაწევრიანებლად, ასევე ცხადად გარკვეული პირობებით. ჯერ უნდა შესრულდეს 12-საფეხურიანი მოთხოვნები, ახლა უკვე 9 საფეხურია. ჩვენ ველოდებით, რომ საქართველოს მთავრობა გაატარებს საჭირო რეფორმებს. ერთ-ერთი მოთხოვნა არის თავისუფალი და სამართლიანი არჩევნები, რაც სამწუხაროდ, არ ჩატარდა და არაა შესაბამისობაში ევროკავშირთან. ევროპარლამენტი თავისუფალია რეზოლუციის მიღებისას და ამ რეზოლუციებს მისი 27 წევრი ქვეყანა ერთად იღებს", — განაცხადა ჰერჩინსკიმ.