საქართველოს პროკურატურამ ბათუმში დღეს, 25 აგვისტოს ლგბტ თემის აქტივისტების ლევან ბერიანიძისა და თორნიკე კუსიანის პოლიციელების მხრიდან შესაძლო ცემას იძიებს. ამის შესახებ ინფორმაცია On.ge-ს საქართველოს მთავარ პროკურატურაში განუცხადეს.

უწყებაში ამბობენ, რომ საქმეზე გამოძიება სამსახურებრივი უფლებამოსილების გადამეტებისმუხლით დაიწყეს.

25 აგვისტოს, გამთენიისას, ბათუმის ბულვარში პოლიციამ თანასწორობის მოძრაობის აღმასრულებელი დირექტორი ლევან ბერიანიძე და ორგანიზაციის წევრი თორნიკე კუსიანი დააკავა. დაკავებულები ამბობენ, რომ პოლიციელებმა სიტყვიერი და ფიზიკური შეურაცხყოფა მიაყენეს. დაკავებულების სხეულზე ფიზიკური ძალადობის კვალზე შსს აცხადებდა, რომ "დაუდგენელი პირები და დაკავებულები ერთმანეთს ფიზიკურ და სიტყვიერ შეურაცხყოფას აყენებდნენ", თუმცა ადგილზე მისულ სამართალდამცველებს ბერიანიძე და კუსიანი არ დაემორჩილნენ და პოლიციამ ისინი დააკავა.