რკინიგზის აქციის დაკავებული ათივე აქტივისტი თბილისის საქალაქო სასამართლოს დარბაზიდან გაათავისუფლეს.

როგორც ერთ-ერთმა დაკავებულმა ირაკლი კუპრაძემ On.ge-ს უთხრა, შემდეგი პროცესი რვა სექტემბერსაა ჩანიშნული. გამოძიება ადმინისტრაციული კოდექსის 166-ე (წვრილმანი ხულიგნობა) და 173-ე (დამოურჩილებლობა) მუხლებით მიმდინარეობს.

24 აგვისტოს საღამოს გამართულ აქციაზე, მოშიმშილეებმა საქართველოს რკინიგზის შენობაში შესვლა და შიმშილობის ფოიეში გაგრძელება გადაწყვიტეს. ამის მიზეზი გახდა სასამართლოს გადაწყვეტილება, რომლის მიხედვითაც, მოშიმშილეებს რკინიგზის ცენტრალური ოფისის მიმდებარედ არ მიეცათ კარვების გაშლის ნებართვა.

საპროტესტო აქციის მონაწილეები თავდაპირველად სამუშაო პირობების გაუმჯობესებას მოითხოვდნენ. მოგვიანებით, მათ მოთხოვნებს საქართველოს რკინიგზის პრესსამსახურის უფროსის დაჩი ცაგურიასა და რკინიგზის ინფრასტრუქტურის დირექტორის ვასილ ხორავას გათავისუფლების მოთხოვნა დაემატა.