დღეს, სტრასბურგში გამართულ პრესკონფერენციაზე, ევროპარლამენტის და საქართველოს საკითხებში მუდმივმა მომხსენებელმა, რასა იუკნევიჩიემ განაცხადა, რომ სანქციები არა მხოლოდ ქართული ოცნების საპატიო თავმჯდომარეს, არამედ იმათაც უნდა დაუწესდეს, ვინც საქართველოში შექმნილ პოლიტიკურ ვითარებაზეა პასუხისმგებელი.

ამასთან, ევროპარლამენტარმა სანქციებზე საუბრისას ოცნების ის წევრები ჩამოთვალა, რომლებიც სასანქციო სიაში უნდა მოხვდნენ.

"ჩვენ არაერთხელ აღვნიშნეთ სანქციები, რომელიც უნდა დაუწესდეს ბიძინა ივანიშვილს და ა.შ. ამჯერად, ჩვენ ერთზე მეტი ადამიანის სახელი დავასახლეთ, რომლებიც პასუხისმგებლები არიან ამ სიტუაციაზე. ჩვენ უკვე ვისაუბრეთ პრემიერ-მინისტრ ირაკლი კობახიძეზე, თბილისის მერ კახა კალაძეზე, მმართველი პარტიის გენერალური მდივანზე, პარლამენტის სპიკერზე და რა თქმა უნდა, საქართველოს ყოფილ პრემიერ-მინისტრზე და სხვებზე", — განაცხადა იუკნევიჩიემ. ("მთავარი არხის" თარგმანი)