26 ნოემბერს, 12 საათზე უმაღლესი საარჩევნო კომისიის "შემაჯამებელი ოქმის საფუძველზე", აჭარის უმაღლესი საბჭო შეიკრიბება. აჭარის უმაღლესი საბჭოს არჩევნები 26 ოქტომბერს, საქართველოს საპარლამენტო არჩევნების პარალელურად ჩატარდა.

ოპოზიცია საკანონმდებლო საქმიანობაში მონაწილეობაზე უარს აცხადებს. დღეს აჭარის უმაღლეს საბჭოსთან 11 საათზე მოქალაქეები საპროტესტო აქციას გეგმავენ. აქციის ორგანიზატორების მიერ გავრცელებულ ინფორმაციაში ვკითხულობთ, რომ "საქართველოსთვის, დემოკრატიისთვის და ევროინტეგრაციისთვის ბრძოლა გრძელდება".

უმაღლესმა საარჩევნო კომისიის ინფორმაციით, საარჩევნო კანონმდებლობით დადგენილი 5%-იანი ბარიერი გადალახა 5-მა საარჩევნო სუბიექტმა. ესენია:

კოალიცია ცვლილებისთვის — გვარამია, მელია, გირჩი, დროა — 1 მანდატი (16 115 ხმა, 8.4%);

ერთიანობა-ნაციონალური მოძრაობა — 4 მანდატი (27 369 ხმა, 14.26%);

ძლიერი საქართველო — ლელო ხალხისთვის, თავისუფლებისთვის — 1 მანდატი (12 118 ხმა, 6.32%);

გახარია საქართველოსთვის — 2 მანდატი (16555 ხმა. 8.63%);

ქართული ოცნება — 13 მანდატი (110 232 ხმა. 57.45%).