გურჯაანის მუნიციპალიტეტში, სოფელ კარდენახში ცეცხლსასროლი იარაღით ორი მამაკაცი მოკლეს, — ინფორმაცია NEWS.On.ge-ის შსს-ში დაუდასტურეს.

მედიაში გავრცელებული ცნობებით, მამაკაცებმა ერთმანეთს გაუხსნეს ცეცხლი, რის შედეგადაც დაიღუპნენ. არსებული ინფორმაციით, მიზეზი შურისძიებაა. თუმცა ინფორმაცია დადასტურებული არ არის.

სხვა, დამატებითი დეტალები ჯერჯერობით უცნობია.

შსს-ს ცნობით, ფაქტზე გამოძიება სისხლის სამართლის კოდექსის 109-ე მუხლითაა დაწყებული, რაც დამამძიმებელ გარემოებაში ადამინის განზრახ მკვლელობას გულისხმობს.