ამერიკის იუსტიციის დეპარტამენტმა ბრალი წაუყენა სამ ირანელ კაცს, რომლებიც საპრეზიდენტო არჩევნებს წინ დონალდ ტრამპის ლიკვიდაციას გეგმავდნენ. ერთ-ერთი მათგანი, ფარჰად შაკერი, ირანის რევოლუციის გუშაგთა კორპუსის დავალებით, აშშ-ის საპრეზიდენტო არჩევნებამდე აკვირდებოდა დონალდ ტრამპს და მისი ლიკვიდაციის გეგმაზე მუშაობდა. CNN-ის ცნობით, შაკერი ამჟამად ირანში იმყოფება.

აშშ-ს მთავრობამ არაერთხელ გამოთქვა შეშფოთება იმაზე, რომ ირანი შესაძლოა ცდილობდეს ანგარიშსწორებას 2020 წელს აშშ-ის უპილოტო თვითმფრინავის თავდასხმის გამო, რომელსაც ირანელი გენერალი ყასემ სოლეიმანი ემსხვერპლა — მაშინ დონალდ ტრამპი პრეზიდენტის პოზიციას პირველი ვადით იკავებდა.