როგორც რუსული გამოცემა ტასი წერს, რუსეთის საგარეო საქმეთა სამინისტროს სპიკერი მარია ზახაროვას თქმით, საქართველოში 4 ნოემბრის საპროტესტო აქციაზე შვედი აქტივისტის, გრეტა ტუნბერგის დასწრებით, დასავლეთმა გამოაჩინა, რომ საქართველოს საშინაო პოლიტიკაში ერევა.

"სასაცილოა, სატირალი რომ არ იყოს, თუ როგორ გამოააშკარავა დასავლეთმა თავისივე მტკივნეული ჩარევა სუვერენული და დამოუკიდებელი საქართველოს პოლიტიკურ პროცესებში. დასავლეთმა საფრთხე დაინახა, როდესაც რომელიღაც ქვეყანამ გადაწყვიტა საკუთარი გზით ევლო და დაეცვა საკუთარი სუვერენიტეტი და დამოუკიდებლობა. ეს, საბოლოოდ, საქართველოში დასავლეთის მიერ საქართველოს დემოკრატიული პროცესების წინააღმდეგ მოქმედებით დაგვირგვინდა". — განაცხადა ზახაროვამ.

21 წლის შვედი ეკოაქტივისტი, გრეტა ტუნბერგი თბილისში 4 ნოემბერს საპროტესტო აქციას შეუერთდა.