1979 წლის ისლამურ რევოლუციამდე ათწლეულებით ადრე, ირანს რეზა-შაჰ ფეჰლევი მართავდა. შაჰის მმართველობისას პოლიტიკური თავისუფლება შეზღუდული იყო, თუმცა, ეს პერიოდი გამოირჩეოდა შუა აღმოსავლეთისთვის უჩვეულო კულტურული თავისუფლებითა და სეკულარული მოდერნიზაციით. შაჰის ბრძანებით, ქალებმა არჩევნებში მონაწილეობის უფლება მიიღეს და სამუშაო ძალასაც შეუერთდნენ. ამავდროულად, 15 წლამდე ასაკში ქორწინება აიკრძალა, განქორწინება კი კანონით დასაშვები გახდა. შაჰმა აკრძალა ჰიჯაბის, როგორც ქალების შემზღუდველი სამოსის, ტარება. დაიწყო საყოველთაო განათლების პოპულარიზებაც, გაიხსნა ახალი კოლეჯები, უნივერსიტეტები და ბიბლიოთეკები, რომლებზეც კაცებსაც და ქალებსაც თანაბრად ჰქონდათ წვდომა; მეტიც, საშუალო განათლების მიღება უფასო გახდა, უნივერსიტეტის სტუდენტებს კი სახელმწიფოსგან ფინანსური ხელშეწყობაც ჰქონდათ.

შაჰის მოდერნიზებული პოლიტიკა ირანელ ტრადიციონალისტებს აღაშფოთებდა, მაგრამ ფეჰლევის მმართველობა დისიდენტების რეპრესიებსა და ცენზურასაც მოიცავდა, რაც, მოგვიანებით, რევოლუციის ერთ-ერთი საბაბი გახდა. ისლამურმა რევოლუციამ კი ირანის ყოველდღიურობა, განსაკუთრებით, კულტურული ცხოვრების სურათი, სრულიად შეცვალა. პოლიტიკური მდგომარეობის ცვლილება განსაკუთრებით მძიმე ქალებისთვის აღმოჩნდა. სავალდებულო გახდა ჰიჯაბის ტარება, ქალებს კი არაერთი ფუნდამენტური უფლება ჩამოერთვათ. ფაროხრუ ფარსა, ირანის პირველი ქალი მინისტრი, რომელიც ქალთა უფლებრივი მდგომარეობის გაუმჯობესებისთვის აქტიურად იბრძოდა, რევოლუციონერებმა დახვრიტეს...

როგორი იყო ფერადოვანი ცხოვრება ირანში რევოლუციამდე — ამის ამსახველი ფოტოები ჟურნალებიდან თუ სხვა მასალებიდან შემოგვრჩა. სურათებისთვის თვალის ერთი გადავლებითაც ჩანს, როგორ შეცვალა რელიგიურმა ფუნდამენტალიზმმა მე-20 საუკუნის ერთ-ერთი ყველაზე მოდერნიზებული აზიური ქვეყანა.

ახალგაზრდები ირანში, დაახლოებით 1970 წელი

ირანელი ქალები ჟურნალებში

მის ირანი 1978-ის ფინალისტები — ამ დრომდე სილამაზის უკანასკნელი კონკურსი ქვეყანაში

მის ირანი 1978-ის ერთ-ერთი მონაწილე თეირანის პარკში

პარასკევის პიკნიკი პარკში, 1976 წელი

1970-იანი წლების ირანის ქუჩის მოდა

ირანელი მსახიობი ფარუზანი, დაახლოებით 1975 წელი

თეირანის ეროვნული უნივერსიტეტის სტუდენტები რევოლუციამდე ცოტა ხნით ადრე

ფეხსაცმლის მაღაზიის ვიტრინა თეირანში, 1976 წელი

ქორწილი ირანში, დაახლოებით 1970 წელი

სილამაზის სალონი თეირანში, 1977 წელი

ირანელი მუსიკოსები, დაახლოებით 1970 წელი

ირანელი ქალი პლაჟზე, 1960-იანი წლები

ირანელი რეჟისორი ალი ჰათამი და მისი ცოლი, მსახიობი ზაჰრა ჰათამი, ყოველკვირეული ჟურნალის გარეკანზე, 1972 წელი

ქალი შვილთან ერთად საყიდლებზე ბავშვების ტანსაცმლის სექციაში, 1971 წელი

თოვლიანი თეირანის ქუჩებში ქალი სეირნობს დღეისთვის უკვე უჩვეულო ფორმით: სამკაულებითა და მაკიაჟით