დღეს ევროკომისია გაფართოების შესახებ ანგარიშს გამოაქვეყნებს, — ამის შესახებ ინფორმაციას ევროკომისიის პრესსპიკერი, სტეფან დე კეერსმაიკერი ავრცელებს.

ანგარიში გააანალიზებს კანდიდატი ქვეყნებისა და ევროკავშირის წევრობის პოტენციური კანდიდატების მიერ მიღწეულ პროგრესს, მათ წინაშე არსებულ გამოწვევებს და რეფორმებს, რომლებიც უნდა განხორციელდეს.

ევროკომისიის სპიკერმა სტეფან დე კეერსმაიკერმა განაცხადა, რომ ანგარიში მოიცავს გაფართოების პროცესში ჩართული 10 ქვეყნის პროგრესის შესახებ ინფორმაციას.

პაკეტის მიღების შემდეგ მას ოფიციალურად წარადგენენ საგარეო საქმეთა და უსაფრთხოების პოლიტიკის უმაღლეს წარმომადგენელს ჯოზეფ ბორელს და ევროკომისარს გაფართოებისა და სამეზობლო პოლიტიკის საკითხებში ოლივერ ვარჰეის.

ევროკომისია ყოველწლიურად იღებს გაფართოების პაკეტს, რომელიც მოიცავს დოკუმენტების კომპლექსს, რომელიც განმარტავს ევროკავშირის გაფართოების პოლიტიკას და განიხილავს გასული წლის მოვლენებს.

ანგარიში აანალიზებს კანდიდატი ქვეყნებისა და ევროკავშირის წევრობის პოტენციური კანდიდატების მიერ მიღწეულ პროგრესს, მათ წინაშე არსებულ გამოწვევებს და რეფორმებს, რომლებიც უნდა განხორციელდეს.

თუ გაინტერესებს მსოფლიოში მიმდინარე მნიშვნელოვანი ამბები, გაწევრიანდით ჯგუფში — რა ხდება მსოფლიოში