დღეს, 27 ოქტომბერს ბუნდესტაგის საგარეო საქმეთა კომიტეტის თავმჯდომარემ, მიხაელ როთმა, Instagram-ზე საქართველოში ჩატარებულ საპარლამენტო არჩევნებთან დაკავშირებით კანადისა და ევროპის უფროსი პარლამენტარების ერთობლივი განცხადება გაავრცელა:

"ჩვენ სოლიდარობას ვუცხადებთ საქართველოში მყოფ ერთგულ ევროპელებს, რომლებიც ჩვენს ფასეულობებს, თავისუფლებისკენ სწრაფვას, დემოკრატიასა და კანონის უზენაესობას იზიარებენ. ჩვენ კვლავ იმ აზრზე ვრჩებით, რომ საქართველო იმსახურებს ადგილს გაერთიანებული ევროპის შუაგულში.

თუმცა, ეს არჩევნები არც თავისუფალი და არც სამართლიანი ყოფილა.
წინასაარჩევნოდ პოლიტიკური კლიმატი შეუთავსებელი იყო ევროპული სამართლიანობის სტანდარტებთან. კანდიდატები დააშინეს, დაემუქრნენ, სახელმწიფო ძალაუფლება ბოროტად გამოიყენეს და ხმები მოისყიდეს. არჩევნების საერთაშორისო სადამკვირვებლო მისიაც კი ამტკიცებს ამას. შესაბამისად, აღმოჩნდა არის არჩევნების მნიშვნელოვნად გაყალბებაც არჩევნების დღეს დაშინებითა და ხმების მოსყიდვით აღმოჩნდა.
შეშინებულზე მეტად ქვეყანა არის გაყოფილი — ქალაქებსა და სოფლებს შორის, ახალგაზრდებსა და მოხუცებს შორის.

ეს არჩევნები იყო არჩევანზე ევროპის ან იზოლაციის, დემოკრატიის ან ავტორიტარიზმის, თავისუფლების ან რუსიფიკაციას შორის. საარჩევნო კამპანიის დროს საკმარისად არ გამოიხატა ის ფაქტი, რომ არ შეიძლება გაგრძელდეს ევროკავშირის დაახლოება მმართველ პარტიასთან და მის პოლიტიკასთან. ქართული ოცნების პოლიტიკა ჩვეულებრივ შეუთავსებელია ევროკავშირთან. ვერაგული “გლობალური ომის პარიის” შიშის კამპანია, იმის თაობაზე რომ საქართველოს ხდის მეორე უკრაინას, შედეგი გამოიღო. არსებობს მხოლოდ ერთი “გლობალური ომის პარტია” რომელსაც სახელით უნდა დაუძახოთ, რომელსაც ჰქვია — რუსეთი.

ამ ყველაფრის ფონზე, ევროკავშირი არ აღიარებს (არჩევნების) შედეგებს.

ჩვენ მოვითხოვთ პერსონალურ სანქციებს მათ წინააღმდეგ, რომლებიც პასუხისმგებელნი არიან უსამართლო საარჩევნო გავლენაზე, ოპოზიციისა და სამოქალაქო საზოგადოების დაშინებასა და მუქარაზე.

ამ დიდი იმედგაცრუების მიუხედავად, ჩვენ არ უნდა ვაქციოთ ზურგი საზოგადოების პროევროპულ ნაწილს. ჩვენ უნდა გავაძლიეროთ სამოქალაქო საზოგადოების დაცვა. ამიტომ, ამ ეტაპზე, უარვყოფთ კოლექტიურ დასჯას — ვიზალიბერალიზაციის შეჩერებას.თუმცა, ჩვენ გვაქვს შიშები განათლებული, პროევროპელი ახალგაზრდების ქვეყნიდან გადინების თაობაზე, მიუხედავად იმისა, რომ ჩვენ მივესალმებით თქვენ ვიზიტს ევროკავშირში. ეს (ქვეყნიდან გადინება) იქნება ტრაგედია საქართველოს ევროპული ორიენტაციისთვის.

შეშფოთებულნი ვართ საქართველოს “ბელორუსიფიკაციასთან” დაკავშირებით. თუ მმართველი პარტია და მათი ლიდერი თავიანთ განცხადებებს, ქმედებებთან ერთად გააგრძელებენ, (მათი მხრიდან) არსებობს მუქარა ოპოზიციის, დამოუკიდებელ მედიის და კრიტიკულ არასამთავრობო ორგანიზაციების დევნისა და აკრძალვის თაობაზე. ევროკავშირს სურს, რომ განუმარტოს მთავრობის პარტიას, რომ ამ ყოველივეს არ აღიარებს და მსგავს შემთხვევაში, გაგრძელდება ურთიერთობების გაწყვეტა.

ჩვენ ვაგრძელებთ პრეზიდენტის, სალომე ზურაბიშვილის ძლიერ მხარდაჭერას ქვეყნის გაერთიანების, დემოკრატიის, თავისუფლებისა და კანონის უზენაესობის დაცვის საკითხზე და ამასთან, საქართველოს ევროპული მომავლის დაცვასა და შენარჩუნებაზე." — წერია განცხადებაში.

ერთობლივ განცხადებას ხელს აწერენ:

ბუნდესტაგის საგარეო ურთიერთობების კომიტეტის თავმჯდომარე, მიხაილ როთი;

ლიტვის პარლამენტის საგარეო ურთიერთობათა კომიტეტის თავმჯდომარე, ემანუელის ზინგერისი;

ლიტვის პარლამენტის სპიკერის მოადგილე და ევროპასთან ურთიერთობების თავმჯდომარე, ჟიგიმანტას პავილიონისი;

ირლანდიის პარლამენტის საგარეო ურთიერთობათა კომიტეტის თავმჯდომარე, ჩარლზ ფლანაგანი;

ესტონეთის პარლამენტის საგარეო ურთიერთობათა კომიტეტის თავმჯდომარე, მარკო მიჰკელსონი;