უკრაინის პრეზიდენტი, ვოლოდიმირ ზელენსკი Telegram-ზე, უკრაინის დაზვერვაზე დაყრდნობით წერს, რომ რუსეთი 27-28 ოქტომბერს, ჩრდილოეთკორეელი ჯარისკაცების პირველ პარტიას საბრძოლო ზონებში გამოიყენებს.

"გენშტაბის მეთაურმა შეგვატყობინა რუსეთის მიერ ჩრდილოეთკორეელი სამხედროების გამოყენებაზე. დაზვერვის ცნობით, 27-28 ოქტომბერს რუსეთი საბრძოლო ზონებში ჩრდილოეთკორეელები ჯარისკაცების პირველ პარტიას გამოიყენებს. ეს რუსეთის ცხადი ნაბიჯია ესკალაციისკენ, რაც კონტრასტშია იმ დეზინფორმაციასთან, რომელსაც ისინი ეს დღეებია, ყაზანში [BRICS-ის სამიტზე] ავრცელებენ. მსოფლიომ უნდა დაინახოს, თუ რა სურს რუსეთს სინამდვილეში და რომ ეს ომის გაგრძელებაა. სწორედ ამიტომაა საჭირო მსოფლიო ლიდერებისგან პრინციპული და ძლიერი რეაქცია. ჩრდილოეთ კორეის მიერ ომში არსებით ჩართულობას არა დახუჭული თვალებითა და დაბნეული კომენტარებით, არამედ მოსკოვსა და ფხენიანზე ხელშესახები წნეხით უნდა შევხვდეთ", — წერს ზელენსკი.

პირველი განცხადება რუსეთის მხრიდან ჩრდილოეთ კორეელი ჯარისკაცების გამოყენების თაობაზე 23 ოქტომბერს აშშ-მ გააკეტა.

ამასთან, სამხრეთ კორეელმა პარლამენტარებმა გააკეთეს განცხადება, რომ ჩრდილოეთ კორეამ დაახლოებით 3 000-მდე ჯარისკაცი გაგზავნა უკრაინაში რუსეთის მხარდასაჭერად.