გაეროს გენერალური მდივანი, ანტონიო გუტერეში, BRICS-ის სამიტზე დასასწრებად რუსეთში, ყაზანში ჩავიდა.

სამიტის ფარგლებში, გუტერეში რუსეთის პრეზიდენტ ვლადიმერ პუტინსა და ანტონიო გუტერეშს შორის შეხვედრა გაიმართება, რომლის თემებიც ახლო აღმოსავლეთის კრიზისი და უკრაინის გარშემო არსებული ვითარება იქნება.

უკრაინის საგარეო საქმეთა სამინისტრომ ანტონიო გუტერეშის მოსალოდნელი ვიზიტი მწვავედ გააკრიტიკა და განაცხადა, რომ ეს ორგანიზაციის რეპუტაციას აზიანებს.

"გაეროს გენერალურმა მდივანმა უკრაინის მიწვევა შვეიცარიაში გამართულ პირველ გლობალურ სამშვიდობო სამიტზე არ მიიღო, თუმცა მიიღო ომის დამნაშავე პუტინის მიწვევა. ეს არასწორი არჩევანია, რომელიც არათუ არ უწყობს ხელს მშვიდობის დამყარებას, არამედ მხოლოდ ზიანს აყენებს გაეროს რეპუტაციას", — აღნიშნულია სამინისტროს განცხადებაში.

BRICS-ის სამიტი ყაზანში დღეს დაიწყო და 24 ოქტომბრამდე გაგრძელდება. სამიტის ფარგლებში, ვლადიმერ პუტინი ირანის პრეზიდენტს, მასუდ ფეზეშქიანსა და თურქეთის პრეზიდენტს, რეჯეფ თაიფ ერდოღანსაც შეხვდება.