დაღესტნის მეთაურმა, სერგეი მელიკოვმა, დაღესტნელ სენატორ სულეიმან ქერიმოვს იმის შემდეგ გამოუცხადა მხარდაჭერა, რაც ჩეჩნეთის ლიდერი რამზან კადიროვი ქერიმოვს სისხლის აღებით დაემუქრა.

მელიკოვი სიტყვით გამოვიდა მაყაჩალას პარკის გახსნის ცერემონიაზე, რომელიც ქერიმოვის დახმარებით აშენდა და თქვა, რომ ეს სენატორის “ბევრიდან ერთ-ერთი კეთილი საქმეა”.

ამასთან თქვა, რომ ქერიმოვი უკრაინაში მებრძოლი ჯარისკაცების ოჯახებს ეხმარება, მან ასევე ტერაქტის შემდეგ დეერბენტში სინაგოგა და ეკლესია აღადღინა, დაღუპული პოლიციელების ოჯახებს დაეხმარა, მონაწილეობას იღებდა სამედიცინო ცენტრების შენებაში და ჰქონდა “ინვესტიციის ასობით პროექტი”.

მელიკოვი ამბობს, რომ “მუდმივად მადლიერი იქნება” ქერიმოვის და “მუდამ დაუჭერს მხარს, როცა მხარდაჭერა საჭირო იქნება”.

"ადამიანები, რომლებმაც გამოცადეს მისი ყურადღება, სითბო და სიკეთე, იქნებიან იმ ადამიანთან, რომელმაც მათ ეს სიკეთე აჩუქა. და სულეიმანმა ეს უნდა იცოდეს. დაღესტანი მუდამ დაუჭერს მხარს მას რთულ მომენტებში, როცა ეს საჭირო იქნება”, — დასძინა მელიკოვმა.

18 სექტემბერს, Wildberries-ის ოფისთან სროლა მოხდა, რასაც 2 ადამიანი ემსხვერპლა და 7 დაშავდა, ხოლო ამის გამო კადიროვმა სამ ადამიანს დასდო ბრალი.

კადიროვმა 10 ოქტომბერს თქვა, რომ დაღესტნელ სენატორ სულეიმან ქერიმოვსა და სახელმწიფო დუმის ორ დეპუტატ, ბეკხან ნარახოევსა და რიზვან ყურბანოვზე შურს იძიებდა და სისხლს აიღებდა. კადიროვმა მათ მისი მკვლელობის შეკვეთა დააბრალა.