ქართული ოცნების მთავრობა რუსეთისკენ და არალიბერალური ორიენტაციისკენაა მიმართული, როგორც ჩანს, გვერდი აუარა თავისი ხალხის პროდასავლურ განწყობებს, — ამის შესახებ ამერიკის შეერთებული შტატების ჰელსინკის კომისია სოციალურ პლატფორმა X-ზე წერს.

მათი თქმით, რუსეთი ცდილობს შეინარჩუნოს თავისი კონტროლი რეგიონში და აშშ-მ და მისმა მოკავშირეებმა თავიანთ მიდგომებს უნდა გადახედონ.

"სომხეთი, ისტორიულად რუსეთის ერთ-ერთი უახლოესი მოკავშირე, მოსკოვს შორდება. ამავდროულად, აზერბაიჯანი აძლიერებს კავშირებს რუსეთთან და აბალანსებს ამას ნატო-ს წევრ თურქეთთან და ევროკავშირთან თანამშრომლობითა და ხანგრძლივი ურთიერთობით. იმავდროულად, საქართველოს ქართული ოცნების მთავრობა რუსეთისკენ და არალიბერალური ორიენტაციისკენაა მიმართული, როგორც ჩანს, გვერდი აუარა თავისი ხალხის პროდასავლურ განწყობებს. პრორუსული პოზიციისკენ ეს შეტრიალება სერიოზულ შეშფოთებას იწვევს", — აღნიშნულია განცხადებაში.