სტოკჰოლმში, ისრაელის საელჩოსთან, აფეთქება იყო, — ამის შესახებ ინფორმაციას შვედური მედია ავრცელებს.

სამართალდამცველებმა, სტოკჰოლმის ცენტრში, ისრაელის საელჩოსთან ახლო მდებარე ქუჩაზე აფეთქების შესახებ შეტყობინება მიიღეს, თუმცა ადგილზე აღმოჩენილი კვალი მხოლოდ სროლაზე მიუთითებს.

"ჩვენ აღმოვაჩინეთ კვალი, რომელიც მიუთითებს სროლაზე ისრაელის საელჩოსთან ახლოს, მაგრამ არ გვსურს გავამჟღავნოთ, კონკრეტულად რა კვალია აღმოჩენილი, რადგან გამოძიება გრძელდება", – განაცხადა სტოკჰოლმის პოლიციის პრესსპიკერმა რებეკა ლანდბერგმა.

მისი თქმით, სროლის შედეგად არავინ დაშავებულა და დაწყებულია გამოძიება დამამძიმებელ გარემოებებში იარაღის გამოყენებით დანაშაულის, გარშემო მყოფთათვის საფრთხის შექმნისა და უკანონო მუქარის ფაქტზე.