რუსეთი თავდაცვის ბიუჯეტს რეკორდულად, 25%-ით, გაზრდის. სავარაუდოდ, ეს ნიშნავს, რომ რუსეთი უკრაინაში აგრესიის შეწყვეტას არ აპირებს.

რეკორდული იქნება არამხოლოდ ზრდის მასშტაბი, არამედ თავად ბიუჯეტიც, რომელიც 2025 წელს 13.5 ტრილიონ რუბლს (£109 მილიარდი) მიაღწევს.

გამოდის, რომ თავდაცვის ხარჯი მთლიანი სამთავრობო ხარჯების 40%-ს მიაღწევს. ეკონომისტები ამ ნაბიჯს "სამხედრო კეინზიანიზმს" უწოდებენ, რაც სამხედრო ხარჯისა და ინფლაციის ზრდით გამოიხატება.

"ეს ზრდა ადასტურებს, რომ ეკონომიკა სამხედრო მოწყობაზე გადავიდა და უკრაინის ომი მალეც რომ დასრულდეს, არმიაში ფულის შედინება და გაბერილი თავდაცვის სექტორი წამყვან პრიორიტეტად დარჩება. ნათელია, რომ სამხედრო ხარჯი უფრო მეტი იქნება, ვიდრე განათლების, ჯანდაცვისა და სოციალური პოლიტიკის ხარჯების ჯამია", — ვკითხულობთ რუსულ გამოცემა Bell-ში

სამხედრო სექტორში მასობრივი ინვესტიცია განსაკუთრებით შემაშფოთებელია იმის გათვალისწინებით, რომ რუსეთმა უკრაინის აღმოსავლეთით ბრძოლის ველზე ინიციატივა მოიპოვა, პუტინის თავდაჯერებულობა კი იზრდება — მან განაცხადა, რომ "ყველა მიზანი მიღწეული იქნება".